GIDAUNIYAR MARUBUCI BADAMASI BURJI

Gidauniyar Marubuci Badamasi Burji Ta Gwangwaje Yara

A lokacin da ɗalibai ke komawa makaranta, gidauniyar Badamasi S. Burji ta gwangwaje yara da littattafai da alƙaluman rubutu.

A shekarar da ta gabata ne Alhaji Badamasi S. Burji da gidauniyarsa suka samar da yunifom ga ɗalibai 5,200, a makarantar firamare da ya samar a mahaifarsa ta Burji dake ƙaramar hukumar Doguwa, a jihar Kano.

Yanzu haka an raba littattafan rubutu da alƙaluman rubutu, sai kuma abinci da ake samarwa ga kowanne ɗalibi kyauta.

Allah ya ƙarfafi wannan yunƙuri da wannan bawan Allah.